د چپرهار یو سیفون د ترمیم ساختماني چارې په منظم ډول روانې دي
د چپرهار یو سیفون د ترمیم ساختماني چارې په منظم ډول روانې دي
د ا،م،-ا،رتي شرکتونو لوی ریاست اړوند د ننګرهار وادي کرنیز ا،م،-ا،-رتي شرکت له لوري د چپرهار یو سیفون د ترمیم ساختماني چارې په منظم ډول روانې دي، تېره ورځ ترې له نږدې دا انځورونه د ننګرهار وادي کرنيز امارتي شرکت مطبوعاتو مديريت راټول کړه.
د معلوماتو له مخې، ټاکل شوې ده چې د یادې پروژې چارې د ۷۵ ورځو په موده کې بشپړې شي او سیفون له اساسي ترمیم او بیارغونې وروسته بېرته د ګټې اخیستنې وړ وګرځي.
د پروژې د تطبیق چارې د ننګرهار وادي کرنیز ا شرکت د اوبو لګولو، ساتنې او څارنې امریت او د ساختمان امریت له لوري څارل کېږي.
د مسوولینو په وینا، یاد سیفون د تېرو اورښتونو او د زیاتو اوبو د راوتو او بهېدو له امله زیانمن شوی و، چې ترمیم به یې د سیمې د اوسېدونکو د تګ راتګ ستونزې تر ډېره هوارې کړي او د کورونو او کرنیزو ځمکو د زیانمنېدو احتمالي ګواښونه به راکم کړي.
د یادونې وړ ده چې د پروژې د تطبیق پر مهال هره ورځ شاوخوا ۲۵ کسانو ته د کار زمینه هم برابره شوې ده.
په دې پروژه کې د شاوخوا ۴۰ مترو اوږدوالي د سنګارۍ دېوالونو جوړول، کندنکاري، د اوسپنیز کانکریټ کارونه، انګاف او نور اړین ساختماني فعالیتونه شامل دي.
