د پنځه ولسوالیو قومي شوراګانو د ننګرهار وادي کرنیز ا شرکت اجراییوي رئیس او د اوبولګونې تخنیکي ساتنې او څارنې امر او ددغه امریت یو تن فعال انجنیر د اوبو منظم او عادلانه وېش له امله په ستاینلیک او لونګۍ سره وستایل
په دی اړه مراسم تېره چهارشنبه د روژې میاشتې په ۱۹مه سهارد ننګرهار وادي کرنیز ا شرکت د غونډو په تالار کې نېول شوی و .
په دې مراسمو کې د « بټي کوټ ، شینوارو ، غني خېل ، سره رود ، بهسود او هډې اخندازه » قومي شوراګانو مسوولینو او استازو ، قومي مشرانو ، سپین ږیرو ، مخورو ، ّځوانانو ، د ننګرهار وادي کرنیز ا شرکت اړونده رئیس صاحبانو ، مامورینو او ګڼ شمېر نورو مهمو شخصیتونو ګډون کړی و.
د غونډې موخه د اوبو د عادلانه وېش او ساتنې په برخه کې د ترسره شوو هڅو ستاینه او د دې پروسې د لا ښه والي لپاره د همکارۍ ټینګول و.
د ننګرهار وادي کرنیز ا شرکت اجرایوی رئیس سید محمد نعیم « محمدي » او د اوبولګونې د تخنیکي ساتنې او څارنې امرانجنیر ګل احمد « چوپان » او ددغه امریت یو تن مسلکي او فعال انجنیرظریف د خپلو هڅو له امله وستایل شول .
د قومي شوراګانو په استازولۍ « حاجي ملک چکن ، حاجي خیال محمد ، حاجي ملک راز محمد ، حاجي ملک عصمت الله ، حاجي محمد وارث » خبرې وکړې او همدارنګه د ځوانانو په استازولۍ حاجي صبغت او عالم ګیر د دې پروسې د بریالیتوب لپاره د ټولو اړوندو ادارو همکارۍ او ملاتړ ته په ټینګار سره وویل چې د اوبو عادلانه او د ټاکلي مهال سره وېش د کرنیز سیستم ودې او ټولنې د پرمختګ او هوساینې لپاره حیاتي اهمیت لري.
په پای کې د یادو ولسوالیو مشرانو د ننګرهار وادي کرنیز ا شرکت اجرایوی رئیس ، اوبولګونی تخنیکي ساتنې او څارنې امر او ددغه امریت انجنیر ته ستاینلیکونه او لونګي ور په سر کړای شوی، او ددې پروسې د دوامدارۍ او پراختیا لپاره خپلې ژمنې تکرار کړي.
د یادونې ده چې د ننګرهار وادي کرنیز ا شرکت د اوبو عمومي کانال يې د 50m3/sec ظرفيت لري چې31,000 هکتاره ځمکي خړوبولو وړتیا لري ، همدارنګه ۳۱ د اوبو لوی ویالی ، ۷ د اوبو وړی ویالې لري او نږدې اوه ولسواليو کي پروت دي.
