د درېيم فارم اړوند له ۲۱ ویالې څخه تر ۲۵ ویالې پورې پنځه کیلومتره په اندازه د لوی نهر د پاکولو چارې روانې دي
د درېيم فارم اړوند له ۲۱ ویالې څخه تر ۲۵ ویالې پورې پنځه کیلومتره په اندازه د لوی نهر د پاکولو چارې روانې دي
دننګرهار وادي کرنیز ا شرکت د درېيم فارم اړوند د اوبو د عمومي کانال له ۲۱مې ویالې څخه تر ۲۵مې ویالې پورې د شاوخوا ۵ کیلومتره په اوږدوالي د لوی نهر د پاکولو چارې پیل شوې دي.
د لوی نهر د پاککارۍ دغه چارې د ننګرهار وادي کرنيز ا شرکت د ماشینریو، او لسو خصوصي کرنیزو شرکتونو د ماشین آلاتو په وسیله او د یادو خصوصي کرنیزو شرکتونو په شاوخوا یو میلیون افغانیو لګښت ترسره کیږي، او تمه ده چې د پاککارۍ دغه چارې به په راتلونکو لسو ورځو کې بشپړې شي.
نن د اوبو د لوی نهر د پآککارۍ له دغو چارو څخه د لیدنې په موخه د ننګرهار کانال اجرایيوي رئیس سېد محمد نعیم «محمدي» ، د کرنیزو چارو رئیس انجنیر حکمت الله « معروف »، د درېيم او څلورم فارمونو امرینو ، حفظ و مراقبت امر ، د زراعت مدیرانو، بلاکونو مدیران ، د خصوصي کرنیزو شرکتونو استازو او نورو مسئولینو ساحې ته ورغلي وو.
باید وویل شي چې د اوبو د لوی نهر دغه ساحه شاوخوا ۱۵ کاله وړاندې وروستی ځل پاکه شوې وه.
د ننګرهار وادي کرنیز ا شرکت د اوبو د لوی نهر پاکول به د اوبو جریان ته اسانتیا، د کرنیزو ځمکو خړوبولو ته پراختیا، او د چاپېریال پاکوالي ته زیات ارزښت او مهمه ونډه ولري.
یادې چارې د کرنیزو ځمکو د خړوبولو د ظرفیت لوړولو، د اوبو د ضایع کېدو د مخنیوي او د کرنیزو خدمتونو د ښه والي په هدف ترسره کېږي.
بايد وويل شي د ننګرهار وادي کرنيز ا شرکت داوبو لوی نهر ۷۱ کيلومتره په اوږدوالي «« ډرونټې له برېښنا بند څخه پېل او آن تر غني خېلو ولسواليو تر اخرني ساحې پورې غزېدلې دی ، د ۵۰ متر مکعبه په يوه ثانيه کې ظرفيت لري چې شاوخوا ۳۱ زره هکتاره ځمکې د خړوب وړتيا لري»» .
همداراز په درېيم فارم کې ټولټال شاوخوا ۵۳ خصوصي کرنیز شرکتونه په فعالیتونو بوخت دي .
ننګرهار وادي کرنیز ا شرکت له ټولو قراردادي خصوصي زراعتي شرکتونو څخه غوښتنه کوي چې د د اوبو د لوی نهر په پاککارۍ کې ورسره لازمه همکاري وکړي ، تر څو د اوبو طبيعي جريان بېرته احيا شي ورسره به کرنيز محصولات او توليدات نور هم لوړ شي .
