که کوم طبعي افت نه و نو سږکال به د زیتون پرېمانه حاصلات ولرو .
که کوم طبعي افت نه و نو سږکال به د زیتون پرېمانه حاصلات ولرو .
کرنه یوازې د خوړو د تولید وسیله نه ده، بلکې د اقتصادي ودې، د چاپېریال د زرغونتیا او د ټولنې د هوساینې بنسټ هم ګڼل کېږي. هر هغه مثبت بدلون چې په کرنیز سکټور کې رامنځته کېږي، د خلکو پر ژوند، اقتصاد او راتلونکي مستقیم او دوامدار اغېز لري.
دا،م،ا،رتي شرکتونو لوی ریاست اړوند ننګرهار وادي کرنیز ا،م،ارتي شرکت د بشپړې رهبرۍ د دوامدارې پاملرنې، اغېزمن مدیریت او پر وخت کرنیزو خدمتونو په پایله کې، د زیتون باغونه سږکال د پام وړ حاصلاتو ته چمتو ښکاري.
همدا اوس د زیتون ونې له ډېرو او باکیفیته مېوو ډکې دي او که د الله تعالی په فضل کوم طبیعي افت رامنځته نه شي، نو تمه ده چې سږکال به د زیتون حاصل د تېرو کلونو په پرتله ډېراوغوره وي.
د زیتون د حاصلاتو زیاتوالی نه یوازې د کرنیز تولید د ودې نښه ده، بلکې د زیتون د غوړو او اچارو د تولید د زیاتوالي، د کورنیو اړتیاوو د پوره کېدو او د هېواد د اقتصادي پیاوړتیا لپاره هم یو مهم ګام بلل کېږي.
موږ باور لرو چې شنه او پرمختللې کرنه د سوکاله ژوند، پیاوړي اقتصاد او زرغون وطن تضمین دی.
راځئ چې د کرنې د ودې، د طبیعي شتمنیو د ساتنې او د ملي تولیداتو د پیاوړتیا لپاره خپلې ګډې هڅې لا پسې پراخې کړو.
شنه کرنه، بډایه حاصلات، سوکاله ژوند او زرغون وطن زموږ ګډه هیله ده.
# انځورونه خبرې کوي .
