په دوهم فارم کې د ۱۷۰ زره زیتون قلمو کرلو بهیر بشپړ شو
په دوهم فارم کې د ۱۷۰ زره زیتون قلمو کرلو بهیر بشپړ شو .
د دوهم فارم په ستره قوریه کې چې پر ۱۵ جریبه ځمکه جوړه شوې، د زیتون د ۱۷۰ زره قلمو د کرلو بهیر په بریالیتوب سره بشپړ شو.
دغه ستره لاسته راوړنه د ننګرهار وادي کرنیز ا شرکت د رهبرۍ او په ځانګړي توګه ددغه فارم د امر قاري احمدالله « عرف اجمل » او اړونده مدیرانو د هلو ځلو پایله ده.
یاده قوریه یوازې د زیتون نیالګي نه ، بلکې کلبید، یوکالیپټیس، مورفان، صبر او توت او نور نیالګي هم لري.
دا مهال قوریه ۸ تنه فني کارګران لري چې د نیالګیو د پالنې چارو ته ځانګړې پاملرنه کوي.
همدارنګه ، د اړونده فارم ترڅنګ موقعیت لرونکی دوه نیم جریبه ښکلی پارک هم د قوریې مدیریت له لوري تر منظمې پالنې لاندې دی.
د دوهم فارم مسوولین زیاتوي چې ، ۱۴۰۳ کال د مني او ۱۴۰۴ کال د پسرلي په موسم کې له همدې قوریې څخه ۴۸۰۰۰ اصله زیتون نیالګي نورو فارمونو ته توزیع شوي دي، چې دا چاره د زیتون کرکېلې د پراختیا لپاره یو مهم ګام بلل کېږي.
تېره ورځ د یاد فارم له سترې قوريي څخه ددغه فارم امر ، د زراعت مدیر او یو شمېر نورو مسؤولینو له نږدې لیدنه وکړه او د روانو چارو د ارزونې ترڅنګ یې د لا زیاتې ودې او پرمختګ هیله څرګنده کړه.
باید وویل شي ، د ننګرهار وادي کرنیز ا شرکت یو له مهمو او ارزښتناکو میکانیزه فارمونو له جملې دوهم فارم دی ، چې ځمکې يې د اګرونومیکی ځانګړتیا له مخې په کال کې د بېلابېلو کښتونو وړتیا لري ، دغه فارم څلور بلاکونه، قوریه ، تخنیک ، پراخه اوبه ، د سیل، تفریح او لیدلو وړ او مناسب ځایونه لري، دغه فارم له جلال اباد ښار څخه په شاوخوا نیم ساعت زماني وآټن کې پروت دی .
