د ننګرهار وادي کرنیز ا،م،ارتي شرکت اجرائیوي رئیس د افغان پانګوالو او سوداګرو ټولنې له رئیس سره وکتل.
د ننګرهار وادي کرنیز ا،م،ارتي شرکت اجرائیوي رئیس د افغان پانګوالو او سوداګرو ټولنې له رئیس سره وکتل.
د ا.ا.ا شرکتونو لوی ریاست اړوند د ننګرهار وادي کرنیز ا،م،ارتي شرکت اجرائیوي رئیس، سید محمد نعیم «محمدي»، د افغان پانګوالو او سوداګرو ټولنې (AIBA) له رئیس احسان الله کامهوال سره په خپل کاري دفتر کې وکتل.
په پیل کې، ښاغلي سید محمد نعیم محمدي د افغان پانګوالو او سوداګرو ټولنې رئیس احسان الله کامهوال او ورسره مل پلاوي، چې په کې شفیع الله بابرزی او انعام الله میاخېل شامل وو، ښه راغلاست ووایه.
ورپسې، د افغان پانګوالو او سوداګرو ټولنې رئیس احسان الله کامهوال د هرکلي له امله مننه وکړه او ویې ویل، په ترکیه کې د افغانستان د سوداګرۍ خونه هڅه کوي چې د افغان سوداګرو او بهرنیو شریکانو ترمنځ د همکارۍ پُل جوړ کړي.
نوموړي زیاته کړه، د دوی د فعالیتونو موخه افغانستان ته د پانګوالو جذب، د نوو سوداګریزو فرصتونو رامنځته کول، او د سیمهییزو او نړیوالو بازارونو پر وړاندې د افغاني محصولاتو د کیفیت او تنوع معرفي کول دي.
په دې ناسته کې د ننګرهار وادي کرنیز امارتي شرکت د مطبوعاتو عمومي مدیر سید همایون غریبمل او د ځمکو قراردادونو عمومي مدیر ذاکرالله شیرزاد هم حضور درلود.
